Chiuriteme dint a quatte
mura,privateme e na
camminata a riva e
mare,nu cafè assettate
a tavola cu n’amico o
nu cuncerto ‘e viulini.
Diciteme chello ca
vulite pe televisione,
terrorizzate pure a pupulazione,
je resto fermo,chiantate n’terra
comme a n’albero e limoni
Arruvinatele ‘a gente
cu a miseria,chi è ricco
dint nun se arrende
facilmente. Pigliateve
chello ca vulite,chello ca
tengo nguorpo resta
o mio solamente e
nisciuno so po arrubbà.

Alfredo Troise